Etibar Celilov

Sənə çox can dedim,ey can,can olub neyləmisən?
Demə canan özünə,canan olub neyləmisən?

Getmisən daima biganəni şad eyləmisən,
Həsrətinlə ürəyim al-qan olub neyləmisən?

Demə imkanim olanda səni yad eyləyərəm,
O qədər fürsət olub, imkan olub neyləmisən?
...
Dərmanım olsa da səndə ölərəm istəmərəm,
Səndə hər dərdimə hər dərman olub neyləmisən?

Bivəfasan gözəlim səndə vəfa görməmişəm,
Aşiqin həsrət ilə viran olub neyləmisən?

Bir dəfə mehmanım oldun,azı min dəfə dedin,
Mənə guya ki, gəlib mehman olub neyləmisən?

Baba biz insanıq,insan ilə insanlıq edək,
Deməsinlər bizə qoy “insan olub neyləmisən?”